२०८३, कार्तिक ४ गते
.png){kind=small}
लुम्बिनी चिन्तन
भैरहवा । कोभिड–१९ दोस्रो लहरको हटस्पट बनेको रुपन्देहीमा सोमबार मात्र ११ जना संक्रमितको मृत्यु भयो । यससँगै वैशाख महिनाका २७ दिनमा मात्र कोरोना संक्रमणबाट मृत्यु हुनेको संख्या १२२ पुगेको छ ।
जबकी जेठ २०७७ देखि चैत अन्तिमसम्म रुपन्देहीमा कोरोना संक्रमणबाट मृत्यु हुनेको सख्ंया १५७ मात्र थियो । स्वास्थ्य कार्यालय रुपन्देहीका प्रमुख डा। राजेन्द्र गिरीका अनुसार पछिल्लो तीन हप्तामा कोभिड–१९ संक्रमितसँगै मृतकको संख्या ह्वात्तै बढेको छ । वैशाखको पहिलो साता ४ जनाको मृत्यु भएको थियो भने दोस्रो साता थप १८ जनाको मृत्यु भयो । तेस्रो साता ४५ जनाको मृत्यु भयो भने त्यसपछिका ६ दिनमा ५९ जना संक्रमितको मृत्यु भयो ।
तीन हप्तामा कोरोनाका सक्रिय संक्रमितको संख्या पौने ४ सयबाट बढेर ६ हजार ४४० पुगेको छ, जसमध्ये ६ हजार ८८ जना संक्रमित होम आइसोलेसनमा छन् ।
यसपटक संक्रमितको मृत्यु दर बढ्नुको अर्को कारण कन्ट्याक्ट ट्रेसिङ एकदमै नगण्य हुनु रहेको स्वास्थ्य कार्यालय रुपन्देहीका प्रमुख डा. राजेन्द्र गिरी स्वीकार गर्छन् । वैशाख लागेसंगै नयाँ वर्ष विशेष कार्यक्रम, विवाह, विभिन्न कार्यहरु यही महिनामा धेरै भएको मान्छेको जमघट र भीडभाड बढेसंगै संक्रमण समुदायस्तरमा फैलिएको डा. गिरीले बताए ।
खोप आइसक्यो अब केही हुँदैन भनेर हेलचेक्र्याई बढेको उनको ठम्याइ छ । ‘खोप आइसक्यो अब केही हुन्न भनेर जमघट, भीडभाड रोकिएको छैन, कन्ट्याक्ट ट्रेसिङको पाटो पनि एकदमै नगण्य छ’ उनले भने,‘खोप सबैले लगाउन पाएका छैनन् भन्ने हेक्का राखेर कन्ट्याक्ट ट्रेसिङ बढाउनपर्छ ।’
