२०८३, कार्तिक ४ गते
.png){kind=small}
लुम्बिनी चिन्तन
भैरहवा, साउन १९ । अख्तियार दुरुपयोग अनुसन्धान आयोगले रुपन्देही जिल्लाको मर्चवारी गाउँपालिका–३ का वडाध्यक्ष जनार्दन यादवसहित दुईजनाविरुद्ध भ्रष्टाचार मुद्दा दायर गरेको छ। अख्तियारका अनुसार यादवले विकास योजनाको निर्माण कार्य सम्पन्न भएपछि भुक्तानी सिफारिस गर्नका लागि घुस रकम मागेको पुष्टि भएपछि कानुनी कारबाही अघि बढाइएको हो।
वडाध्यक्ष यादवले योजनाको भुक्तानी प्रक्रिया अघि बढाउने सन्दर्भमा सेवा लिने पक्षसँग तीन लाख रुपैयाँ घुस मागेको र उक्त रकम आफ्नो सिधा संलग्नतामा नभई गणेश ट्रेडिङका सञ्चालकका छोरा विपिन कुमार पाण्डेयमार्फत लिन लगाएको अख्तियारले जनाएको छ। पाण्डेयलाई अख्तियारको टोलीले घुससहित रंगेहात नियन्त्रणमा लिएको थियो।
अख्तियारले घटनासँग सम्बन्धित प्रमाणहरूका आधारमा यादव र पाण्डेय दुवैजनामाथि भ्रष्टाचार निवारण ऐन अन्तर्गत विशेष अदालतमा मुद्दा दायर गरिएको स्पष्ट पारेको छ। यो घटनाले स्थानीय तहमा बढ्दो भ्रष्टाचारको चिन्ताजनक अवस्थालाई उजागर गरेको भन्दै अख्तियारले निष्पक्ष अनुसन्धानका लागि प्रतिबद्धता जनाएको छ ।
