२०८३, कार्तिक ८ गते
.png){kind=small}
लुम्बिनी चिन्तन
भैरहवा जेठ २२,
टुगा आस्था बिकास सहकारी साकोसको आयोजनामा नीति, कार्यक्रम योजना तर्जुमा उपसमितिको संयोजनमा संस्थाको दोश्रो योजना “चार वर्षीय रणनीतिक योजना“ विश्लेक्षण तथा रणनीतिक निर्माण सम्बन्धी गोष्ठी सम्पन्न भएको छ ।
संचालक, लेखा, सल्लाहकार र उच्च व्यवस्थापनको सहभागिता रहेको गोष्ठीको अध्यक्षता संस्था प्रमुख डी.बि.थापाको रहेको थियो । कार्यक्रमको पहिलो सत्रमा योजना तर्जुमा उपसमितिको संयोजक लाल बहादुर थापाले अघिल्लो त्रिवर्षिय रणनीतिक योजनाको समीक्षात्मक प्रतिवेदन प्रस्तुत गर्नु भएको थियो । योजनाको लक्ष्य, उद्देश्य र वित्तीय अवस्था सहित प्रगति विवरण प्रस्तुत गर्नु भएको थियो ।
त्रिवर्षीय योजना सफलतापूवक सम्पन्न भइ सदस्यहरुको आर्थिक उन्नतिमा टेवा पुर्याउन संस्था सफल भएको समिक्षा गरिएको थियो । बाह्य चुनौतीको रुपमा देखिएको प्रमुखरुपमा कोभिड–१९ ले सदस्यको आम्दानीमा पारेको प्रभावले गर्दा बचत निक्षेपमा केहि प्रभावित गराएता पनि नियमित बचतको पोर्टफोलियो उत्कृष्ट रहेको संयोजक थापाले बताउनु भयो । आगामी चार वर्षीय रणनीतिक योजनाको लक्ष्य, उदेश्य र मुख्य मुख्य रणनीति निर्धारण गरेको छ ।
योजना तर्जुमाको लागि यस अघि अगुवा सदस्य, उपसमिति पदाधिकारीको सुझाव संकलन कार्यक्रम संस्थाले सम्पन्न गरिसकेको संयोजक लाल बहादुर थापाले बताए । सदस्य, उपसमिति तथा संचालकहरुबाट प्राप्त सुझाव र विश्लेक्षणको आधारमा चार वर्षीय रणनीतिक योजना अन्तिम स्वरूप आषाढ भित्र गरिने अध्यक्ष डी.बी. थापाले बताए । कार्यक्रम संचालन सचिव जित बहादुर रास्कोटी, स्वागत मन्तव्य संयोजक लाल बहादुर थापा र शुभकामना मन्तव्य उपाध्यक्ष परसुराम बास्तोलाले गर्नु भएको थियो
