२०८३, कार्तिक ४ गते
.png){kind=small}
लुम्बिनी चिन्तन
भैरहवा चैत्र २८
रुपन्देहीको मणिग्राममा एक अर्ब बढीको लागतमा एन जि मार्केट सञ्चालनमा आएको छ ।आई।एन। जी। ए सपिड। कम्प्लेक्स प्रालिले तिलोत्तमा नगरपालीका व डानं ५ स्थित् राधाकृष्ण टोलमा मार्ट संचालनमा ल्याएको हो ।
संचालनमा आएको मार्केटमा बैशाख १ गते देखी सर्वसाधारणले शुलभ रूपमा किनमेल गर्न पाउने मार्केटका अध्यक्ष नारायण बञ्जाडेले बताउनु भयो । तीन चरणमा संचालन हुने मार्केटमा पहिलो चरणमा बैशाख १ गते देखी घरायसी समानहरु खाद्यान, लत्ताकपडा, लगायत आवश्यक सम्पुर्ण समानहरु उपलब्ध हुनेछन् । साथै एकै पटक चार सय जनाले सेवा लिन सक्ने रेष्टुरेन्ट पनि संचालनमा आउने अध्यक्ष बञ्जाडेको भनाई छ ।
यस्तै दोसो चरणमा लेडिज तथा जेन्सहरुका लागी आवश्यक बुटिकका सामान देखी लिएर लेजिड एण्ड जेन्स पार्लर , कस्मेटिक लगायतका सामाग्रीहरू उपलब्ध हुनेछन् । तेस्रो चरणमा घर , होटल अफिस लगायतका स्थानहरुमा आवश्यक पर्ने फर्निचरका समानहरुको सोरुमको सुभारम्भ गर्ने तयारी रहेको छ । फनिचर सोरुम आगामी तीन महिनामा सञ्चालनमा आउने अध्यक्ष बञ्जाडेले बताउनु भयो ।
एकै छानामुनी सबै प्रकारका समानहरु पाईने यो मार्ट नेपालकै ठुलो मार्केट रहेको दाबी गरिएको छ । दुई लाख स्क्वायरफुट क्षेत्रफलमध्ये ८० हजार स्क्वायर फुट क्षेत्रफलमा मार्केट रहेको छ । ८० हजार स्क्वायर फुट क्षेत्रफलमा फैलीएको यो नै पहिलो मार्केट रहेको बञ्जाडेले दाबी गर्नु भयो । मार्केट पूर्ण रूपमा सञ्चालनमा आउँदा २ सय जनाले रोगगारी पाउने छन् । हाल मार्केटमा एक सय जनाले रोजगारी पाएका छन् ।
सिदार्थ राजमार्गको भैरहवा बुटवल सडक खण्ड अन्तरगत मणिग्राममा हाईवेसंग जोडिएको हुँदा धेरै उपभोक्ता यसबाट लाभान्वित हुने अपेक्षा गरिएको छ ।
मार्केट बाट ग्राहकले घरमै बसी बसी सुबिधा लिन सक्ने बन्जाडेले बताउनु भयो । कम्पनीले घर घरमै पुगेर पनि सेवा दिने गरी काम गर्न गैरहेको उहाले बताउनु भयो ।
एउटै छानामुनी रहेको यो मार्केट जिल्लाको लागी एउटा साईट सिन पनि बन्न सक्ने उहाको दाबी छ । बिभिन्न जिल्लाहरु बाट अवलोकन भ्रमणका लागी आउने आन्तरिक पर्यटकहरुका लागी अवलोकन गर्न मिल्ने खालको मार्केट बनेको उहाले बताउनु भयो ।
एकै ठाउमा एकै तलामा यति ठुलो मार्केट नेपालमा छैन उहाले भन्नु भयो । तर्सथ रुपन्देही घुम्न आउनेहरु यहा सम्म एक पटक आउने गन्तब्य बन्न सक्छ । मार्केटमा आएर खरिद गर्नुनै पर्दछ भन्ने पनि छैन ब्यापार गर्न चाहनेहरुका लागी सिक्ने अवसर पनि बन्ने उहाले बताउनु भयो ।
