२०८३, कार्तिक ४ गते
.png){kind=small}
लुम्बिनी चिन्तन
भैरहवा चैत्र २८,
सिद्धार्थ सडक खाना महोत्सवको पूर्वसन्ध्यामा होटल तथा रेष्टुरेन्ट ब्यावसायी संगठन, रुपन्देहीले सोमबार भैरहवाको देवकोटाचोक क्षेत्रमा सरसफाई गरेको छ । नयाँ वर्ष–२०७९ को अवसरमा संगठनले चैत्र ३० गते सडक खाना महोत्सव गर्दैछ । त्यसको अवसरमा सडक सरसफाई गरिएको संगठनका अध्यक्ष पिताम्बर न्यौपानेले बताउनु भयो ।
भैरहवाको देवकोटा चोकदेखि महोत्सव स्थलसम्म सरसफाई गरिएको कार्यक्रम संयोजक दलबहादुर थापाले बताउनु भयो । ‘सडकमै खाउँ, सडकमै रमाउँ’भन्ने नारासहित महोत्सव हुन लागेको हो । कोरोना महामारीले थला परेको पर्यटन क्षेत्रलाई उकास्न टेवा पुर्याउने उद्देश्यले खाना महोत्सव आयोजना गरिएको अध्यक्ष न्यौपानेले जानकारी दिनु भयो ।
महोत्सवमा स्थानीय कला संस्कृति, स्थानीय सांस्कृतिक नृत्य, विद्यालय नृत्य, स्थानीय तथा राष्ट्रिय कलाकारबाट प्रस्तुति तथा डिजेसहितका कार्यक्रम हुने संगठनका महासचिव राजेश महोत्राले बताउनु भयो । खाना महोत्सवमा सानादेखि तारे होटलसम्मका खानाका स्वाद लिन पाइने छ । साथमा थारु, नेपाली, चाइजिन, इन्डियन, थाइलगायत सबै किसिमका खानाहरु सडकमै पाइने छ ।
महोत्सवले विगत ३ वर्षदेखि थला परेको पर्यटन व्यवसायमा रौनकता ल्याउने आशा गरिएको छ । महोत्सवमा विभिन्न खानाका परिकारसहितका १ सय वटा स्टल रहने छन् । स्वदेशी तथा भारतयि र तेस्रो मुलुकका गरी ५० हजार दर्शकको उपस्थिति रहने अपेक्षा गरिएको छ । महोत्सवमा हास्य कलाकार सुमन कोइराला (दले दाई), गायक खुमन अधिकारी, अफसर अलि, सुमन थापा, डिजे रुकेन श्रेष्ठ, लगायत स्थानीय कलाकारहरुको प्रस्तुती रहने छ ।
होटल तथा रेष्टुरेष्ट ब्यावसायी संगठन रुपन्देही आयोजक रहेको महोत्सवमा सहआयोजक सिद्धार्थनगर नगरपालीका र घरेलु तथा साना उधोग कार्यालय रुपन्देही छ । प्रबद्र्धकमा पर्यटन डिभिजन कार्यालय रुपन्देही लुम्बिनी प्रदेश र संरक्षकमा उद्योग ब्यापार संगठन रुपन्देही छ । संस्थागत सल्लाहकारमा सिद्धार्थनगर उद्योग बाणिज्य संघ रुपन्देही छ । सहयोगी संस्थाहरुमा नाट्टा लुम्बिनी प्रदेश, सिद्धार्थ होटल एशोसिएन, लुम्बिनी होटल संघ नेपाल र मदिरा ब्यावसायी संघ भैरहवा छ भने इभेन्ट पार्टनरमा युनिक साउण्ड छ ।
