भैरहवा फागुन २८
पशु क्वारेन्टाईन सम्बन्धी ऐन नियम मापदण्ड बारे सरोकारवाला संग अन्तरक्रिया कार्यक्रम सम्बन्धी एक दिवसीय गोष्ठी भैरहवामा सम्पन्न भएको छ । 

पशु क्वारेन्टाईन कार्यालय भैरहवा रुपन्देहीको आयोजनामा सम्पन्न कार्यक्रममा कार्यालय प्रमुख भक्त निउरेले बाह्रय मुलुकबाट पशु पन्छी , पशुजन्य पदार्थ ,तथा पशु उत्पादन सामाग्री आयात गर्दा नाकामा रहेका पशु क्वारेन्ट चेक पोष्टमा परिक्षण गराई क्वारेन्टाईन प्रमाणपत्र लिएर मात्र आयात गर्न ब्यावसायिहरुलाई आग्रह गरे ।  
देश भित्र उत्पादन भएका पशु पन्छी , पशुजन्य पदार्थ तथा पशु उत्पादन सामाग्री एक जिल्ला बाट अर्को जिल्लामा ओसार पसार गर्दा अनिबार्यरुपमा उत्पत्तिको प्रमाण पत्र र दर्तावाला पशु चिकित्सिक बाट जारी गरिएको स्वास्थ्य प्रमाणपत्र साथमा राखेर मात्र ओसार पसार गर्न आग्रह गरे । 
ब्यावसायिक प्रयोजनका लागी यात्रु बाहक सवारी साधानमा पशुपन्छी ओसार पसार गर्ने गरेको पाईएमा त्यसो नर्गन गोष्ठीमा सहभागी सुरक्षा निकाय तथा स्थानिय प्रशासनका प्रतिनीधीहरुलाई कार्यान्वयनमा कडाई गर्न कार्यालय प्रमुखले आग्रह गरे । रुपन्देही नवलपरासी र कपिलबस्तु जिल्लाका सुरक्षा निकायका प्रमुख तथा प्रतिनीधीहरु सहभागी कार्यक्रममा पशु क्वारेन्टाईन सम्बन्धी ऐन नियम मापदण्ड बारेमा जानकारी गराईएको थियो । 

पशु र पशु जन्य पदार्थको ओसारपसार गर्दा सुरक्षा मापदण्ड अपनाउन नसकेको खण्डमा बिभिन्न प्रकृतीका सरुवा रोगहरु पनि फैलन सक्ने र यसले मानव स्वास्थ्यमा गंभिर प्रकृतीको असर पुर्याउने भएकाले यस प्रति सर्तक रहन आग्रह गरे । बड्प्लु नियन्त्रणका लागी पनि ओसारपसारका कडाई आबस्यक रहेको सहभागीहरुको भनाई थियो । खुल्ला सिमानाका कारण हुने चोरी निकासीका कारण पशुपन्छी जन्य रोग नियन्त्रणमा समस्या हुने गरेको सहभागीहरुको भनाई थियो ।
अधिकाम्श रोगहरु पशुपन्छी , माछा, किरा तथा किर्ना र मानीसहरु बिच एक बाट अर्कोमा सर्ने भएकाले ओसार पसारमा ध्यान दिनु पर्ने कार्यक्रममा कार्यालय प्रमुख भक्त निउरेले जानकारी दिए । पशु सेवा बिभागका महानिर्देशक डा लेखराज दाहालको प्रमुख अतिथीमा सम्पन्न कार्यक्रममा बिशिष्ठ अतिथीमा रुपन्देही , नवलपरासी र कपिलबस्तुका प्रमुख जिल्ला अधिकारीहरु रहनु भएको थियो भने  , बिशेष अतिथीमा कृर्षी तथा पशुपन्छी बिकास मन्त्रालयका सहसचिव माधव अर्याल , सुर्य पौडेल , रुपन्देही , नवरपरासी र कपिलबस्तु जिल्लाका प्रहरी प्रमुखहरु , ह्याचरी ब्यावसायी संघ लुम्बिनी प्रदेशका अध्यक्ष बासु बराल , दाना ब्यावासी संघ लुम्बिनी प्रदेशका अध्यक्ष गोबिन्द खण्ड्का , प्रदेशका भेटेनरी अस्पताल तथा पशु सेवा बिज्ञ केन्द्रका प्रमुख लगायतको सहभागीता रहेको थियो । 
पशु क्वारेन्टाईन कार्यालय भैरहवाका कार्यालय प्रमुख भक्त निउरेको अध्यक्षता, पशु क्वारेन्टाई कार्यालका पशु चिकीत्सक सोभाखर ज्ञवालीको संचालन र पशु चिकीत्सक राजेश गुरुड.को स्वागतमा कार्यक्रम सम्पन्न भएको थियो ।