२०८३, कार्तिक ४ गते
.png){kind=small}
लुम्बिनी चिन्तन
भैरहवा ४ फागुन
राष्ट्रिय गौरवको आयोजनाको रुपमा रहेको गौतमबुद्ध अन्तराष्ट्रिय बिमानस्थलको निर्माण कार्य सकिएको छ ।
भौतिक पुर्वाधारका कामहरु सकिएसंगै बिमानस्थलमा शुक्रबार देखी क्यालिब्रेशन फ्लाईट सुरु हुने गौतमबुद्ध बिमानस्थलका महाप्रबन्धक गोबिन्द प्रसाद दहालले बताए । बिमानस्थलमा क्यालिब्रेशन फ्लाईट सुरु हुने भए पछि गौतमबुद्ध बिमानस्थलबाट दिउंसोमा हुने उडान फागुन १५ गते सम्मका लागी बन्द गरिएको छ ।
फागुन ६ गते देखी बिहान १० बजे देखी सांझ ५ः ३० बजे सम्म बिमानस्थलमा उडान सेवा बन्द गरिएको महानिर्देशक दहालले बताए । क्यालिब्रेशनका लागी विहीबार सांझ सम्म या शुक्रबार बिहान भैरहवामा क्यालिब्रेशन फ्लाईटका लागी आवश्यक बिमान थाईल्याण्ड बाट आईपुग्ने उनले बताए ।
लुम्बिनी प्रदेशको पर्यटनको मुख्य आधार किल्लाको रुपमा मानिएको बिमानस्थल नियमित रुपमा संचालन हुनका लागी थप तिन महिना लाग्ने छ । नियमित काम भएको भए चार बर्ष अगाबै बिमानस्थल सञ्चालनमा आउने थियो । एसियाली विकास बैंक (एडीबी) को ऋण सहयोगमा सुरु भएको बिमानस्थल निर्माणकार्य चिनिया“ कम्पनी नर्थ वेस्ट सिभिल एभिएसन एअरपोर्ट कन्स्ट्रक्सनले गर्दै आएको छ ।
बिमानस्थल निर्माणको काम सकिएको छ । बिमानस्थलमा जडान भएका उपकरणहरुको जांच गर्न क्यालीब्रेशन फ्लाईट मात्र बांकी छ । यो काम बिगत एक बर्ष देखी बांकी हो । क्यालीब्रेशन फ्लाईट अगाडी गर्नु पर्ने प्राबिधिक चेकजांचका लागी अमेरिकन , अष्टे«लियन र थाईल्याण्डका प्राबिधिक एक साथ फिल्डमा हुनु आवश्यक थियो । कोरोना अगाडी बिभिन्न मुलुकका प्राबिधिकहरुले बिमानस्थलको लाईटिङ्गको काम गरेका थिए ।
कोरोनाका कारण अन्तराष्ट्रिय उडान रोकिदा र थाईल्याण्डले आफ्नो नागरिकलाई बाहिरी देश जाने अनुमती नदिदा एक बर्ष देखी अलमलिदै आएको थियो । अहिले अष्ट्रेलियन प्राबिधिक आएर नेपाल नागरिक उड्यन प्राधिकरणका १० जनालाई तालिम दिदै छन् । बिगत एक बर्ष देखी बिमानस्थल आयोजना यहि क्यालिब्रेशन फ्लाईटको पर्खाईमा छ । बिमानस्थलमा संचार देखी लाईटका उपकरण जडान सम्मको जिम्मा थाईल्याण्डको एरो थाई कम्पनीलाई थियो । कोरोनाका कारण एरो थाईका प्राबिधिकहरुलाई थाई सरकारले बाहिरी देश जानका लागी अनुमती नदिदा करीब एक बर्ष अगाडि गर्नु पर्ने काम सर्दै आएको परियोजना प्रमुख प्रबेश अधिकारीले बताए ।
