२०८३, कार्तिक ८ गते
.png){kind=small}
लुम्बिनी चिन्तन
भैरहवा। उद्योग व्यापार संगठन, रुपन्देही (प्रस्तावित सिद्धार्थ चेम्बर अफ कमर्श) ले आइतबार भैरहवामा वृक्षारोपण कार्यक्रम गरेको छ । सिद्धार्थनगर नगरपालिका–९ उदयपुरस्थित आफ्नो कार्यालय भवन परिसरमा वृक्षारोपण गरिएको संगठनका अध्यक्ष अनिल कुमार ज्ञवालीले बताए ।
भवन परिसरमा विभिन्न प्रजातिका ५० वटा विरुवा रोपिएको कार्यक्रम संयोजक तथा संगठनका कार्यसमिति सदस्य मिनिता थापा क्षेत्रीले बताइन् । संगठनका महासचिव सचिन रोक्काको सञ्चालनमा सम्पन्न कार्यक्रममा पदाधिकारी, सचिवालय सदस्य, कार्यसमिति सदस्य, सल्लाहकार लगायतको उपस्थिति रहेको थियो ।
संगठनले व्यवसायीको हकहितसंगै सामाजिक उत्तरदायित्वका कार्यहरु गर्दै आएको संस्थाका सचिव एवं प्रवक्ता लक्ष्मण भण्डारीले बताए ।
