२०८३, कार्तिक ४ गते
.png){kind=small}
लुम्बिनी चिन्तन
भैरहवा भदौ २९,
टुगा आस्था विकास साकोसको चौथो वार्षिक साधारण सभाको दोश्रो प्रतिनिधिमूलक एकाइ बैठक सम्पन्न भएको छ ।
तिलोत्तमा–१५, स्थित दुर्गा माध्यमिक बिद्धालय दुर्गानगरको प्रांगणमा सचिव जीतबहादुर रासकोटीको अध्यक्षतामा सम्पन्न भएको हो । साकोसको स्वीकृत विनियम तथा सहकारी बिभागको निर्देशिका बमोजिम तिलोत्तमा नगरपालिका वडा न. १३, १४ केन्द्रित एकाई बैठकको प्रमुख आतिथ्यता संस्था अध्यक्ष डी.बि.थापा रहनु भएको थियो । कार्यक्रममा संस्था अध्यक्ष डी.बि. थापाबाट वार्षिक प्रतिबेदन र लेखा सुपरिवेक्षण समिति सदस्य मनोज कुमार छेत्रीबाट लेखा समितिको प्रतिबेदन प्रस्तुत गर्नु भएको थियो ।
बैठकमा सदस्यले उपस्थिति जनाउने, प्रतिबेदनमा उल्लेखित प्रस्ताव उपर सुझाव दिने कार्य सम्पन्न संगै बैठकले कार्यसूचीमा रहेको प्रस्ताबहरुलाई अनुमोदन गरेको छ । साथै, एकाइ बैठक १२० जना प्रतिनिधि सदस्य र ३ जना माइन्युट प्रमाणित प्रतिनिधि सदस्य चयन पनि गरेको छ ।
साकोसले उपस्थित २५ जना सदस्यहरुलाई लक्की ड्र मार्फत उपहार स्वरूप प्रेसर कुकर सामान प्रदान गरिएको थियो । १७ वर्ष अघि स्थापना भएका ३ वटा साकोस ३ वर्ष अघि एकीकरण भए पच्यातको चौथो वार्षिक साधारण सभाको अवसरमा तेस्रो एकाई बैठकको स्वागत मन्तव्य उपाध्यक्ष परसुराम बास्तोलाको र कार्यक्रम संचालन मुख्य प्रवन्धकको रहेको थियो ।
असोज १ गते शनिबार ओमसतिया–१ ठुटीपिपल स्थित ठुटीपिपल माध्यमिक बिद्धालय प्रांगणमा बिहान १०.३० बजे ओमसतिया गाउँपालिका वडा न. १ सिद्धार्थ राजमार्ग पुर्व तर्फ बसोबास गर्ने सदस्य केन्द्रित चौथो एकाई बैठक सम्पन्न हुनेछ ।
