२०८३, कार्तिक ४ गते
.png){kind=small}
लुम्बिनी चिन्तन
सुर्खेत । वीरेन्द्रनगर नगरपालिका–१३ करेखोलामा गएराती साढे दश बजे ज्ञानेन्द्र शाहीको समूह र स्थानीय युवाहरुको समूहबीच झडप भएको छ ।
जिल्ला प्रहरी कार्यालय सुर्खेतका अनुसार ज्ञानेन्द्र शाहीको टोली करखोलाबाट फर्किरहेको र नेवारेमा सिकर्मी काम गरेर घर पर्किएका चार जनाबीच झडप भएको हो । जिल्ला प्रहरी कार्यालय सुर्खेतका सूचना अधिकारी एवम डीएसपी रामप्रसाद घर्तीका अनुसार पक्राउ पर्नेमा वीरेन्द्रनगरका १३ का सुजन सारु, ललित गाहा, टंक सलामी, घनश्याम सलामी र नवराज गिरी नियन्त्रणमा रहेका छन् ।
उनका अनुसार झडपमा परेर ज्ञानेन्द्र शाहीलगायत केही घाइते भएका छन् । पाँच जनाको समूहमा रहेका ज्ञानेन्द्र शाहीलाई सामान्य उपचारपछि डाक्टरहरूले डिस्चार्ज गरिसकेको उनको भनाइ छ ।
स्थानीयका अनुसार शाहीको समूहले पनि राती मदिरा सेवन गरेको बताएका छन । आफूहरूले प्रहरीलाई खबर नगरेको र प्रहरीले उद्धार नगरेको भए अप्रिय घटना घट्ने प्रत्यक्षदर्शीले बताए ।
